Safar me muskeelen aayen to zurrat aur badhati hai

Safar me muskeelen aayen to zurrat aur badhati hai,

Koi jab rasta roke to himmat aur badhti hai !



Meri kamjoriyon par jab koi tankeed karta hai,

O dusman kyon na ho usse muhabbat aur badhti hai !



Zaroorat me azizon ke agar kuchh kaam aajao,

Rakam bhi doob jati hai sood aur badhati hai !



Tera masoom as chehra chhupalun aankh me kaatil,

Nazar mujhko na tu aaye to dhadkan aur badhti hai !



Agar bikane pe a jao to ghat jate hain daam aksar,

Na bikane ka irada ho to keemat aur badhti hai !

~~~MAYANK][COMPANY~~~

Phoolon ka khel hai kabhi patthar ka khel hai

Phoolon ka khel hai kabhi patthar ka khel hai,
Insan ki zindagi to mukaddar ka khel hai !

Bahla ke apane pass bulakar fareb se,
Nadiyon ko lootana to samandar ka khel hai !

Ham jisko dhoondhte hai zamane me umra bhar,
O zindagi to apane hi andar ka khel hai !

Har lamha haosalon ke mukabil hain hadse,
Dono ke darmiyan barabar ka khel hai !

Kahte hain log jisko dhanak aur kuchh nahi,
Askon se lipati dhoop ki chadar ka khel hai !

Duniya pukarti hai jise ghar ke naam se,
Sach puchhiye to neewan ke patthar ka khel hai !

~~~MAYANK][COMPANY~~~

Ham apane man ko bahut pahle mar aaye hain

Bina khilaono ke bachpan gujar aaye hain,
Ham apane man ko bahut pahle mar aaye hain !

Hamre pass sukh aaye hain magar aksar,
Hawa ke jhonke par hoke sawar aaye hain !

Gaye the jetane jo kal bade bade sapne,
O chhoti chhoti si khusiyan bhi haar aye hain !

Ab aur dhoondhe kahan jaake zindagani ko,
Ham usko dono jahan me pukaar aaye hain !

Gaye the bhul se eek bar ham dukhon ki taraf,
Feer uske baad o khud baar baar aaye hain !

Teri rahon ke sabhi khar uthata har pal,
Kya karen sans hi do char le ke aaye hain !!

~~~MAYANK][COMPANY~~~